За д-р Влатко Д. Алексов

Образование

20.11.2007 - 01.12,2011 Специјализација по интерна медицина на Медицински факултет-

Скопје

2000 - 2006 Универзитет „Св. Кирил и Методиј„ -Медицински Факултет-Скопје

1996 - 2000 Гимназија „Добри Даскалов„ - Кавадарци - Природно математички смер

Работно искуство

06.2007 -05.2008 ПЗУ Ал-медика- Кавадарци

Матичен доктор

Од 14.12.2011 година вработен (сопственик) во „Интернал медика„ како специјалист по интернс медицина.
Од 01.09.2013 -  година вработен во ГОБ 8ми Септември на оддел за интерни болести на одделението за гастероентерохепатологија

Волонтирање и додатна едукација

01.2009 - 06.2009 Клиника за токсикологија-ургентен центар

09.2008 - 09.2009 Воена болница Скопје - Кабинет за ехотомографија

02.2010 - 11.2011 Градска општа болница 8ми Септември Скопје - oделение за

гастероентерохепатологија, како и во дежурна служба.

11.2010 - 01.2011 Завршена едукација за ехотомографија на тироидна жлезда

Активно учество на повеќе конгреси во република македонија и странство со презентација

на повеќе од десет сопствени теми.

Досега имам активно учествувано на повеќе конгреси меѓу кои:

1. Два конгреса на македонското лекарско друштво,
2. 4ти пулмолошки конгрес,
3. Прв ревматолошки конгрес
4. Првата конференција на општи и фамилијарни лекари на југоисточна европа.
5. На конгреси во Турција, Бугарија, Кан кун,

На сите конгреси активно учествувам со презентација на сопствени трудови (Клик за да ги видете сите мои објавени трудови).

Моето CV:   Страна 1, Страна 2.

Доплер на бубрези

     Во Интернал медика се отпочна со прегледи на бубрежната циркулација или доплер на бубрези.
     Многу битен преглед кај сите пациенти со крвен притисок, особено кај млади луѓе, кај оние кои многу тешко одговараат на терапија, кај кои се влошил крвнот притисок и неможе да се контролира, со многу висок дијастолен(нискиот) притисок над 120ммХг.
     Како причина за покачување на притисокот е стеснување во една од бубрежните артерии. Оваа е многу битно затоа што оваа е едно од ретките пореметувања кои можат да се излечат а со тоа и да го снема покачениот притисок и да немора доживотно да се прима терапија. Се смета дека ова причина за покачениот притисок е присутна кај 6% од пациентите со хипертензија,а до 20% кај резистентните хипертенизии(оние кои тешко се контролираат)
     Овој преглед опфаќа испитување на бубрежните артерии, почнувајчи од главните артерии и сите нивни гранки. Се испитува максималната систолна и дијастолна брзина, времето на акцелерација, индексите РИ и ПИ, односите Renal Aortal Ratio(RAR), Renal Renal Ratio(RRR), и др.
     Се добива директен и индиректен показател за евентуално стеснување и пореметување на циркулацијата низ бубрежните артерии.
     Разликата со обичниот ехо преглед на бубрези е огромно, затоа што таму се гледа само нивниот изглед: форма големина, поставеност. додека со доплерот на бубрезите се процнува нивната функција, крвоснабдување итн.
    Во Интернал медика овој преглед се изведува на современ, нов колор доплер ехо апарат Mindray DC-3 Прегледот ќе го изведува д-р Влатко Д. Алексов кој е со неколку годишно искуство во областа на ултрасонографијата.
     Прегледите ќе се вршат со претходно закажување, задолжително со 10 часовно гладување и самиот преглед траае 30-40 минути е доста захтевен и директно зависен од искуството на испитувачот-лекарот.


Оваа е еден преглед со  уреден нормален наод кај здрав млад пациент на 30 години кај кој се јавува варирање на крвниот притисок.

 Уреден спектар, нормален Resistive Index (RI) и нормални брзини на проток кај бубрежната артерија во медијалниот сегмент. Постои корекција на аголот од 17 Степени.

Уреден спектар, нормален Resistive Index (RI) и нормални брзини на проток кај бубрежната артерија во дисталниот сегмент. Постои корекција на аголот од 32 Степени.

Уреден спектар, нормален Resistive Index (RI), нормално Accelerated time (AT), нормални брзини на проток кај интерлобарна артерија на десен бубрег. Постои корекција на аголот од 17 Степени.

Приказ на Early Systolic Peak (ESP). Овде е прикажан нормален спектар на интерлобарна артерија со добро назначен ESP Карактеристичен бран на интерлобарна артерија. Доколку го нема, а уште повеќе појава на бран "parvus et tardus" е индиректен знак за постоење на стеноза на бубрежната артерија.

Приказ на случај: "Метастази во црн дроб и ингвинални лимфни јазли"

     Пациентка на возраст од 55 години со направена тотална хистеректомија и аднексектомија поради тумор на матка пред 9 години. Пред 3 месеци се јавува оток во левиот ингвинум за што се утврдува дека е зголемена лимфна жлезда. На Клиника за Онкологија примала 6 циклуси на хемотерапија и 3 циклуси на радиотерапија. Сега со болка во стомакот, слабост малаксаност, слабеење, депресивно раположение. Од лабораторииските анализи постои покачена седиментација 37, Хб 110. На ехотомографија се добени следните слики:

Метастази во црниот дроб со хипоехогена и мултисегментарна презентација

 Зголемен лимфен јазол во ингвинална регија со изразена васкуларност. Типична за реактивен и малигно изменет лимфен јазол.

Уште неколку помали лимфни јазли во ингвинална регија

Прокрвареност на lимфниот јазол - стадиум 4 со изразена интра нодална вскуларност , што укажува на малигно изменет лимфен јазол.

Прикажано во Power Doppler со линеарна сонда 10MHz

Приказ на случај: "Ileus"

     Маж на возраст од 59 години со јака болка во лев хипохондриум и тврдост на тој дел дел од стомакот. На палпација постои локален дефанс и палпабилен тумефакт. Од лабораторииските анализи постои само покачена седиментација 25...33. 

     Пред еден месец правена гастроскопија со уреден наод и препорака за колоноскопија.

    Поради болката пациентот порано се јавува на преглед кога на ехотомографија се добени следните слики:

Се гледа цревна вијуга со дебелина на зидот до 12мм

Се гледа задебелената цревна вијуга во целиот сегмент од десетина центиметри.

     Поради клиничката слика се постави дијагноза илеус со висока суспекција за карцином на колонот како етиологија за состојбата. Веднаш е препратен во болница од каде утре дента е транспортиан о Клиниката за Гех каде по разрешување на илеусот, кај пациентот е извршена колоноскопија со дијагноза аденокарцинм на колонот. Пациентот е опериран и сега се чувствува добро.

Приказ на неколку случаи од урологијата

 Калкул во бубрег со анехоична сенка

 Калкул во бубрег со анехоична сенка

 Акутен цистит кај 7 годишно дете - сагитален пресек

 Акутен цистит кај 7 годишно дете - трансверзален пресек

 Бенигна простатична хиперплазија со проминентен медијален лобус - трансверзален(напречен) пресек

 Бенигна простатична хиперплазија со проминентен медијален лобус -

сагитален(надолжен) пресек

Калкул во бешика

Хидронефроза 1-2 степен

 Хроничен простатитис кај маж на 38 години - трансверзален пресек

Простатата е хипоехогена, зголемена со микрокалцификати.

 Хроничен простатитис кај маж на 38 госини - сагитален пресек

Приказ на случај: Варикоцела

Маж на возраст од 38години, после билатерална херниопластика доаѓа во амбуланта на матичен лекар со тапа, болка во скротумот во деновите после операција се до денес во период од една година. Покрај болката пациентот се жали и на еректилна дисфункција. на палпација се детектира оток во скроталната регија поизразено од левата страна. По првичниот преглед препратен од матичен лекар и консултација со уролог кој дал антибиотска теерапија и без подобрување на симптомите, пациентот е препратен во просториите на ПЗУ Интернал медика за ехотомографија на тестиси.

Од ехотомогравскиот преглед се добиени следниве слики:

Паренхимот на левиот тестис е со нормален ехотомогравски наод

Тешност на долниот пол на лесвиот тестис - хидроцела

Течност на горниот пол од левиот тестис - хидроцела

Назначен венски сплет во прилог на варикоцела

Вените пред да се изврши Валсава маневарот

 Вените по Валсава маневарот

Полнење на вените при изведување на Валсава маневарот поради инсуфициентни валвули

Поради сомнение за варикоцела се препрати на уролог хирург за решавање на состојбата по што е закажана интервенција.

Приказ на случај: Аневризма на абдоминална аорта

Маж на возраст од 66 години, доаѓа во амбуланта на матичен лекар со слаба, тапа, абдоминална болка во последните 6-7 дена. Други симптоми нема, до сега во одлична физичка состојба. Од редовна терапија примал Лисиноприл од 10мг за хипертензија која е контролирана. По првичниот преглед препратен е веднаш во просториите на ПЗУ Интернал медика за ехотомографија на абдомен.

Од ехотомогравскиот преглед се добиени следиве слики:

Со "color doppler"   се покажува аневризматично проширување на абдоминалната аорта со тромбозирани зидови и прооден среден дел.

 Се гледа целиот сегмент од должина од 12цм кој е аневризматишно дилатиран.

Приказ на аневризмата со "power doppler" во трансверзален пресек  веднаш под преминот на  вена лиеналис. Најголем дијаметар од 67мм.

Поради појавата на симптоми, и поради големината на аневризмата, пациентот е итно упатен во специјалната болница Филип II Скопје за понатамошна евалуација и третман.

На наше задоволство пациентот е успешно опериран на клиника за торако - васкуларна хирургија Скопје, се чувствува одлично и успешно закрепнува. Овој случај претставува одличен пример за тоа дека сериозни состојби не секогаш одат со значајни симптоми, и дека секогаш треба да имаме на ум дека може зад минималните симптоми да се кријат тешки болести.

Во овој случај пред се треба да се потенцира улогата на матичниот лекар кој го упатил пациентот за ехотомогравско снимање.

Како ЗПЛРМ (здружението на приватни лекари во Македонија) се грижи за младите кадри во Р. Македонија

     За секој кој го интересира потпишувањето на новите договори со фондот, да знаете дека ЗПЛРМ е против потпишивање на нови договори, односно како што велат тие „ние сме за без резервна подршка за новиот предлог закон за здравствена заштита„.
     Во законот, меѓу другото, стои дека треба да се формира мрежа на здравствени инстутуции, а до нејзино испланирање, да нема потпишување нови договори. Така да сите оние кои вложувале, инвестирале во себе, и чекаат договор за кој навреме ги средиле сите документи, сега ќе почекаат уште малку, една година, најмалку за да се консолидираат во министерството.
      Ете така ЗПЛРМ дава подршка на младите кадри во РМ кои немаат право ни Лосартан да препишат без договор со фондот. Ете ја нашата подршка.

     Кој е засегнат со оваа, дајте свои размислувања, на блогот или на интернет страницата на ЗПЛРМ !

Предлог закон за здравствена заштита

Холтер за притисок (ABP Holter)

Што ABP Holter?

     ABP holter( ambulatory blood pressure Holter) или  Холтер за амбулаторно мерење на крвниот притисок е   апарат кој го мери крвниот притисок континуирано  24 часа или подолго. Името е добиено од пронаоѓачот на холтерот NormanHolter .

Тироидна жлезда - Тумори, Дијагноза и Терапија

  

1.      Бенигни

    Тоа се претходно спомнатите аденоми - нодуси.

2.       Малигни

Тука спаѓа тироидниот карцином и постојат три типа.

Тироидна жлезда - Зголемена функција или хипертироидизам

Дефениција

     Хипертироидизам е термин за прекумерно(зголемено) создавање на тироидни хормони и е  причина за појава на тиреотоксикоза клинички синдром со покачени нивоа на тироидни хормони.

Првата колоноскопија и гастроскопија во Кавадарци и Тиквешијата

За првпат во Кавадарци, а и целиот Тиквешки регион, во Пзу Интернал медика Кавадарци, беше направено ендоскопско испитување на дебелото црево - Колоноскопија и желудникот - Гастроскопија.

Денес попладне д-р Зоран стојановски, сестра Валентина Несторовска од Скопје заедно со д-р Влатко Алексов од Кавадарци ја направија првата колоноскопија на возрасна жена која помина со одличен тек и за среќа беше со уреден наод.
Првата гастроскопија исто така беше направена на возрасна жена со наод за улкус на дуоденумот.

Се надеваме дека со оваа му обезбедиме на нашите пациенти квалитетни прегледи кои бргу ќе се завршуваат за во иднина да не се патува и закажува со месеци.

Тироидна жлезда - Намалена функција или хипотироидизам

       Тироидната жлезда е една од поголемите жлезди во човечкото тело и се наоѓа во предниот дел од вратот. Се состои од два дела(лобуси) поврзани со еден по тесен дел(истмус). Името го добила од грчкиот збор штит поради изгледот и функцијта.

    Тироидната жлезда учествува во контролата на метаболизамот и терморегулацијата, ја одредува осетливоста на телото кон другите хормони. Игра многу битна улога во детството, во растот и диференцирањето на многу ткива.

    Овие функции ги исполнува преку создавањето на тироидните хормони: Тироксин  Т4 и Тријодтиронин Т3. Овие хормони се создаваат од аминокиселината - тирозин и јодот од храната.

     Уште еден хормон кој игра битна улога во функцијата на тироидната жлезда е Тирео Стимулирачкиот Хормон или TSH. Се лачи од хипофизата, жлезда која се наоѓа во главата.

     Постојат неколку видови на заболување на тироидната жлезда.

          I.            Намалена функција или хипотироидизам

        II.            Зголемена функција или хипертироидизам

      III.            Тумори

Свечено отворање на ПЗУ „Интернал медика„ Кавадарци.

На 02.01.2012 година од 12:00-17:00h во просториите на старата амбуланта на улица Браќа Миладинови бр.11 Кавадарци, ќе биде свеченото отворање на ПЗУ „Интернал медика„ Кавадарци.
Ве Покнуваме на свечен коктел и накратко да се запознате со дејностите кои ќе се работат во Интернал медика.

За Интернал медика?

„Интернал-медика-Кавадарци„ е приватна здравствена установа, специјалистичка ординација по интерна медицина чија што дејност се состои во извршување на услуги од секундарната здравствена заштита во областа на интерната медицина.

Основана e 14.12.2006 година и се наоѓа на Ул. Браќа Миладинови бр. 11 во просториите поранешната стара амбуланта.

Лекари во Ал-медика се:
Д-р Влатко Д. Алексов

Специјалист по интерна медицина

Од здравствените услуги кои ги овозможува се следниве:

-Преглед од доктор специјалист по интерна медицина,

-ЕХО на абдомен (црн дроб, жолчка, панкреас, слезена, бубрези, бешика, простата, крвни садови)

-ЕХО на тироидна жлезда и вратна регија

-Гастроскопија

-Колоноскопија
-Пласирање на уринарни катетри

-Абдоминална парацентеза
-Апликација на ампуларна и инфузиона терапија,
-ЕКГ,

-Холтер за притисок (24 часовен мониторинг на крвниот притисок)

-Дневна болница
-Домашна посета од интернист со ЕКГ во домашни услови
-Лекарски потврди.

Д-р Влатко д. Алексов е специјалист по интерна медицина, а заврши специјализација на Медицинскиот Факултет во Скопје. Три години со работно искуство во ГОБ 8ми Септември (поранешна Воена болница) на одделот за гастерохепатологија: Тука се стекна со едукација за ехотомографија на абдомен, тироидна жлезда и едоскопија.

За подетални информации за едукацијата на д-р Влатко Д. Алексов, кликнете на (CV)

За секакви информации обратете се на:
Email: internalmedika@gmail.com
Тел:  043/523-723
Моб: 070/339-550
Ул. Браќа Миладинови бр. 11 Кавадарци (Стара амбуланта)
или слободно оставете коментар на блогот.

Секогаш за подобро здравје - „Интернал медика„

Ехотомографија?

Што е ехотомографија?

Ехотомографијата или скенирање со ултразвук претставува метода со која се снимаат органите со помош на ултра звук.

Што е ултразвук?

Ултразвук претставува звук со многу висока фрекфенција кој неможе да се слушне, но се емитуваа и се детектира од специјални апарати како ехо апаратот.

Како работи ултразвукот?

Ултразвукот испуштен од овие апарати патува ткивата но дел и се рефлектира назад и повторно се регистрира од истиот апарат. Овој дел кој се рефлектира назад зависи од видот на ткивата и се регистрира како одреден запис. Ултразвукот патува речиси слободно низ течностите како вода, крв, жолчка, но се одбива во значителна мера од коските, каменчињата во бубрег или жолчка, а од другите ордгани во зависнот од нивната густина. Сега таквите одбиени зраци се регистрираат од апаратот и се прикажуваат на екранот како слика од точки со различна светлина во зависност од рефлектираната количина на звук. Така лекарот добива слика за одредениот орган. Оваа емитирање(испуштање) и регистрирање на рефлектираниот звук се одвива преку сонда, еден продолжеток на апаратот во вид на рачка кој е поврзан со кабел.

Колор и доплер се функции на апаратот да разликувасо чија помош ги разликува крвните садови и ги прикажува во боја, исто така може да се прават и различнби пресметки кои се од значење на функцијата на крвните садови како брзина, проток итн.

Каква е процедурата на снимањето со ехо апарат?

Пациентот легнува на кревет со соголен стомак ако се прави ехотомографија на стомак. Се става гел, на кожата за подобар контакт на сондата со кожат и лекарот прави нежни безболни движења по кожата на пациентот. Може да се дадат неколку едноставни наредби како земање на воздух и недишење, завртување и слично. Прегледот трае десетина минути или подолго во зависност кој дел од телото се снима.. прегледот е тотално безболен и безбеден бидејќи не се испуштаат рентгенски зраци како кај рентгенот, туку само звук со висока фрекфенција кој е тотално безбеден за сите, дури и за бремените жени.

Видови на ехотомографија!

Речиси секој дел од телот може да се снима на ехо апарат, стомакот со сите органи (црн дроб, жолчка, панкреас, слезена, бубрези, бешика, матка, простата, црева, крвни садови, лимфни јазли итн), тироидна жлезда, срце, дојки, зглобови, плодот кај бремени жени, мозок кај новороденчиња, крвни садови итн.

Некои посебни препораки пред снимањето?

За најголем дел од органите кои ќе се снимаат нема некои посебни подготовки пред прегледот. Редовната терапија треба да се продолжи а важат следните подготовки:

• Ехотомографија на стомак

- 6-8 часа ништо да не се јаде и пие освен вода и редовната терапија

• Ехотомографија на бешика и простата

- Пациентот треба да е пиен многу течности за да е со полна бешика, затоа што на празна бешика не се визуелизираат органите.

Во ПЗУ И нтернал медика прегледите ќе се вршат со професионален Ехо колор доплер апарат Mindray DC-3, со две сонди, конвексна 2-6Mhz и линеарна 5-10Mhz.

Колоноскопија

Забелешка : Информациите подолу се од општа природа. Начинот на кој се изведува испитувањето може да варира помеѓу различни болници. Секогаш следете ги инструкциите дадени од Вашиот лекар.

Што е колоноскопија?

Колоноскопија е процедура со која може да се погледне во внатрешноста на колонот (дебелото црево).

Колоноскопија е тест, каде што изведувачот(лекарот) со помош на колоноскоп(тенко црево со дијаметар колку на малиот прст) гледа во долниот дел на гастроинтестиналниот тракт (ректумот, дебелото црево и завршниот дел од тенкото црево). Колоноскопот се внесува преку анусот, во ректумот, натаму кон дебелото црево се до цекумот дел од дебелото црево каде се среќава со тенкото. Врвот на ендоскопот содржи извор на светлина и мала видео камера, па операторот на монитор може да гледа во внатрешноста на органите. колоноскопот, исто така, има и канал низ кој можат да се вметнат различни инструменти. Со овие инструменти операторот може да земе мал примерок (биопсија) од слузницата за детално испитување, да се отстранат полипи(мали израстоци на слузницата од дебелото црево), или да аплицира соодветни лекови. Кога се прегледува само почетниот дел од цревото процедурата се нареува ректоскопија.

Колонoскопијата е најсигурниот, најдеталниот преглед на дебелото цревo и претставува златен стандард во откривањето на промените и болести во долниот дел од гастроинтестиналниот систем. Оваа дијагностичка метода е многу попрецизна од рентгенгравските методи како на пример иригографијата и може да го открие карциномот на дебелото црево уште во неговите рани, почетни стадиуми.

Индикации за колоноскопија:

Состојби кои можат да се потврдат или исклучат со колоноскопија се:

• Хемороидални јазл
• Полипи (мали израстоци на слузницата од дебелото црево)
• Дивертикули(проширувања на дел од зидот на дебелото црево)
• Синдром на нервозни црева
• Воспалителни заболувања на дебелотоо црево како што се улцерохеморагичниот колит или болеста на Крон
• Рак на дебелото црево

Доколку имате некои од следниве симптоми:

• Болка во долниот дел од стомакот,
• чести столици или пролив
• Запек
• Примеси на крв и/или слуз во столицата

кои траат подолго време и не поминуваат на стандардна терапија потребно е да се консултира интернист или гастролог и се советува да се напрваи колоноскопија за да се исклучат евентуално по тепките болести и тогаш да се пристапи кон терапија. Долго даваната симптоматска терапија без соодветен преглед може да маскира многу посериозни болести кои ако се откријат навреме се потенцијално излечиви.

Што се случува за време на колоноскопијата?
Колоноскопијата е рутински тест кој често се изведува и обично се прави амбулаторно, без потреба за некои посебни подготовки или со хосапитализација од еден ден. На пациентот може да му се даде благ седатив за да се релаксира, не да се успие пациентот(не е општа анестезија), најчесто во вид на интрамускуларна или интравенска инекција пред процедурата. Кај пациенти кои се многу осетливи на болка и кај кои не постои добра соработка со лекарот, процедурата може да се направи во краткотрајна општа анестезија со анестезиолог.

Пациентот легнува на страна најчесто е тоа на левата страна со свиткани нозе и операторот(лекарот) го става колоноскопот во почетниот дел од анусот и со манипулации на апаратот нежно, полека продолжува нагоре низ кривините на дебелото црево.

На монитор, со помош на камерата и светлото од врвот на инструментот, се гледа внатрешноста на дебелото црево и сите можни пореметувања. За време на прегледот постојано се инсуфлира(уфрла) воздух во луменот за подобра визуелизација, што може да придонесе да се чувствувате малку надуено и да се јави нагон за исфрлање на гасови, што е сосема нормално и очекувано и нема потреба да се чувствувате нелагодно, бидејќи лекарот и сестрата тоа го очекуваат. Доколку се наиде на некоја промена за која со сигурност неможе да се каже што е, се прави биопсија (се зема парченце од промената) и се испраќа на патолог за детален прглед под микроскоп. Оваа процедура е тотално безболна.

Процедурата трае околу 15 минути, и е најчесто без болна, со осет на нејагодност и подуеност. Дел од пациентите, поосетливи на болка, со поизвиткано црево може да осеќаат поголема болка но со релаксирање и соработка таа се намалува.

Кои подготовки треба да ги направам пред изведување на процедурата?
Треба да се добијат соодветни инструкции од амбулантата каде ќе се изведува процедурата. Најчесто овие инструкции вклучуваат:

• Не треба да се јаде >12 часа пред тестирањето.и не траба да се пие течности >6 часа.
• Дебелото црево треба да биде празно.(Мали голтки вода може да се дозволат, ки евентуално лижење на некое бонбоче ако на пациентото му е лошо)
• Ако примите седатив пред тестирањето, ќе треба некој да ве придружува.

Совети за лекови кои можеби ќе треба да се запрат пред испитувањето.

Празнење на дебелото црево

Се дава средство за прочистување, лаксатив со што се чисти дебелото црево. Дебелото црево треба да е потполно испразнето, бидејќи, во спротивно, колоноскопијата не е можно да се изведе. Два дена пред интервенцијата се јаде само варена храна без месо и маснотии. А ден пред интервенцијата се дава средството за празнење, најчесто во вид на растворлив прашок кој се пие од утрото до некаден 15-17 часот. Освен вода и мала количина на бистар сок од јаболко не се зема ништо друго на уста.

Упатство за припрема за колоноскопија
.

Што може да се очекува по колоноскопијата?

После колоноскопијата најголем дел од пациентите се чувствуваат добро и по краток одмор се подготвени за си одат дома. Лекарот кој ја извршил процедурата дава извештај и пациентот потоа го носи кај оној лекар кој го пратил на оваа испитување. Доколку е земена биопсија резултатите треба да се почекаат. Ако пациентот примил седатив пред интервнцијата, пациентот се препорачува да не вози кола и да има придружба за до дома. Дел од пациентите кај кои се прави со анестезија се хоспитализираат на еден ден за следење.

Дали колоноскопијата е сигурна метода?
Колонoскопијата е најсигурниот, најдеталниот преглед на дебелото цревo и претставува златен стандард во откривањето на промените и болести во долниот дел од гастроинтестиналниот систем. Оваа дијагностичка метода е многу попрецизна од рентгенгравските методи како на пример иригографијата и може да го открие карциномот на дебелото црево уште во неговите рани, почетни стадиуми.

Дали постојат било какви несакани ефекти или компликации од колоноскопијата?

Повеќето колоноскопии поминуваат без никаков проблем. Некои несакани ефекти:

- Почести:

• Благи болки предел на анусот за време на почетокот на прегледот
• Подување и нагон за исфрлање на гасови и болки фифузно во стомакот
• Малаксаност ако е користен седатив

- Ретки и кај претходно потешки болни пациенти:

• Постои малку зголемен ризик за крварење, инфекција
• И сосема ретко перфорација на органите <0,05% (еднаш на 2000-5000 колоноскопии и тоа кај многу оштетено, болно црево и кај пациентои со анестезија)
• Алергија на анестетикот

Заклучок:

Се на се` колоноскопијата е безбедна, процедура за која е потребна минимална припрема, рутински се изведува, и со голема точност може да се потврдат или исклучат претпоставените заболувања

Гастроскопија

Забелешка : Информациите подолу се од општа природа. Начинот на кој се изведува испитувањето може да варира помеѓу различни болници. Секогаш следете ги инструкциите дадени од Вашиот лекар.

Што е гастроскопија?

Гастроскопија е процедура со која може да се погледне во внатрешноста на хранопроводникот, желудникот и дуоденумот(дванаесет палачното црево).

Гастроскопија е тест, каде што изведувачот(лекарот) со помош на гастроскоп(тенко црево со дијаметар колку на малиот прст) гледа во горниот дел на гастроинтестиналниот тракт (хранопровод, желудник и дуоденум). Гастроскопот се внесува преку устата, во хранопроводот, надолу кон желудникот и дуоденумот. Врвот на ендоскопот содржи извор на светлина и мала видео камера, па операторот на монитор може да гледа во внатрешноста на органите. Гастроскопот, исто така, има и канал низ кој можат да се вметнат различни инструменти. Со овие инструменти операторот може да земе мал примерок (биопсија) од слузницата на желудникот за детално испитување, или да аплицира соодветни лекови, да сопре крварење итн.

Индикации за гастроскопија?

Состојби кои можат да се потврдат или исклучат со гастроскопија се:

• Езофагитис (воспаление на хранопроводникот). Се гледаат делови на слузницата од хранопроводникот со црвенило, ранички и слично.
• Чир на желудникот или дванаесетпалачното црево. Улкусот изгледа како мал, дефект на слузницата.
• Дуоденитис и гастритис (воспаление на дуоденумот и стомакот).
• Рак на желудникот и хранопроводот.
• Разни други ретки состојби.

Доколку имате некои од следниве симптоми:

· потешкотии во голтањето,

· гадење,

· повраќање,

· подување,

· болки во стомакот,

· болка и осет за печење зад градната коска,

· киселини,

· хеликобактер пилори инфекција

и траат подолго време, треба да се консултира лекар и да се направи гастроскопија за да се исклучат потешки изаболувања а потоа да се премине кон терапија. Предвреме дадената терапија може да прекрие многу тешки болести, на пример рак на желудникот, па да биде касно за третман, а инаку може со успех да се тртираат ако се навреме откриени.

· Црна столица или “Melaena”, повраќање на крв се индикации за ургентна гастроскопија.

Што се случува за време на гастроскопијата?

Гастроскопијата е рутински тест кој често се изведува и обично се прави амбулаторно, без потреба за некои посебни подготовки или хосапитализација. Може да се даде локален анестетик во задниот дел на грлото да се намали рефлексот за гадење, и /или да се даде благ седатив за да се релаксира, не да се успие пациентот(не е општа анестезија), најчесто во вид на интрамускуларна или интравенска инекција пред процедурата.

Потоа во устата се става еден пластичен додаток во вид на цуцла низ кој ќе се протне гастроскопот и служи за заштита на забите и спречува да дојде до оштетување на гастроскопот во случај на рефлексно прегризување. Лекарот кога ќе го стави гастроскопот во устата ќе ве замоли да го голтнете почетниот дел од гастроскопот а пота нежно го турка надолу низ хранопроводот. На монитор со помош на камерата и светлото од врвот на инструментот, се гледа внатрешноста на органите и сите можни пореметувања. За време на прегледот постојано се инсуфлира(уфрла) воздух во луменот на органите за подобра визуелизација, што може да придонесе да се чувствувате малку надуено и да се јави нагон на подригнување. Доколку се наиде на некоја промена за која со сигурност неможе да се каже што е, се прави биопсија (се зема парченце од промената) и се испраќа на патолог за детален прглед под микроскоп. Оваа процедура е тотално безболна.

Како што споменав прегледот е безболен, кратко траен, околу 3-5минути, и единствено се осеќа непријатност на подување и нагон за подригнување,

Кои подготовки треба да ги направам пред изведување на процедурата?

Треба да се добијат соодветни инструкции од амбулантата каде ќе се изведува процедурата. Најчесто овие инструкции вклучуваат:

• Не треба да се јаде >6 часа пред тестирањето. Желудникот треба да биде празен.(Мали голтки вода може да се дозволат до два часа пред тестирањето.)
• Ако примите седатив пред тестирањето, ќе треба некој да ве придружува.
• Совети за лекови кои можеби ќе треба да се запрат пред испитувањето.

Што може да се очекува по гастроскопија?

После гастроскопијата најголем ддел од пациентите се чувствуваат добро и по краток одмор се подготвени за си одат дома. Лекарот кој ја извршил процедурата дава извештај и пациентот потоа го носи кај оној лекар кој го пратил на оваа испитување. Доколку е земена биопсија резултатите треба да се почекаат. Ако пациентот примил седатив пред интервнцијата, пациентот се препорачува да не вози кола и да има придружба за до дома.

Дали гастроскопијата е сигурна метода?

Гастроскопија представува златен стандард за откривање на абнормалности во горниот дел од гастроинтестиналниот систем и не постои подобра метода која би ја заменила. Многу е посигурна и по веродостојна од постарите методи како рентген со контраст, особено во откривањето на промените во раните почетни стадиуми. Понекогаш кога симптомите не поминуваат, се повторуваат, или се појачуваат, и покрај терапијата, се препорачува повторување на гастроскопијата.

Дали постојат било какви несакани ефекти или компликации од гастроскопија има?

Повеќето гастроскопии поминуваат без никаков проблем. Некои несакани ефекти:

- Почести:

· Благи болки во грлото ден –два

· Малаксаност ако е користен седатив

- Ретки и кај претходно потешки болни пациенти:

· Постои малку зголемен ризик за инфекција на белите дробови или пневмонја

· И сосема ретко инфаркт и перфорација на органите <0,1%

Заклучок:

Се на се` гастроскопијата е безбедна, едноставна процедура за која не е потребно посебна припрема, рутински се изведува, и со голема точност може да се потврдат или исклучат претпоставените заболувања.