Атријална фибрилација (АФ)

Атријалната фибрилација е најчестата стекната аритмија која се карактеризира со брза ирегуларна активација на преткоморите со пренесување на импулсите кон коморите, комплетно зависно од спроводните способности на А-В јазол. Најчесто се одликува со брз ирегуларен одговор на коморите од 120-160/мин.



Поради етиолошките причини, механизмот на настанување и коморбидните состојби кои постојат кај болните со АФ, оваа состојба е тешка за следење и менаџирање,
За таа цел 2006 година европското здружение на кардиолози излезе со конкретни гајдланси како да се менаџира атријалната фибрилација.
Постојат конкретни шеми за тоа кои лекови ќе се употребуваат во однос на тоа дали АФ е пароксизмална, перзистена или перманентна. Дали е пропратена со коморбидитет, и кои лекови кога ке се применуваат, за секоја ситуација одделно.
Наскоро ќе се потрудам да сумирам нешто поконкретно и најпотребното, а сега за оние кои повеќе ги интересира клик овде за да ја симнете пократката верзија од препорачаните гајдланси на европското здружение на кардиолози, или тука за комплетната верзија.

Кус осврт на денешното предавање во „Холидеј ин"

Денес имавме да слушнеме две предавања организирани од Здружението на Кардиолози на Р. Македонија и фармацевтската компанија "Sanofi aventis".
Првото предавање го одржа Проф Др С. Кедев, за дисфункцијата на еднотелот како предуслов за настанување на Атероматозни промени, во кое беше истакнато дека Ангиотензин II има многу битна улога во процесот на атерогенезата и беше потенцирано протективното дејство на АКЕ инхибиторите во тој процес. Од оваа предавање се наметна прашањето дали кај секој пациент кој е со веќе докажана атеросклероза треба да даваме рутински и АКЕ инхибитори како што даваме статини, аспирин, клопидогрел. Но затоа ке почекаме на некои други студии кои ќе го потврдат овој ефект.

Во второто предавање, Асс. Др Иван Трајков многу добро ни изложи податоци од разни студии од кој најспомнувана беше „HOPE„ студијата. Беше укажана на корисното дејство кај болни со ризик кои немаат намалена ејекциона фракција или срцева слабост каде го намалува бројот на кардиоваскуларни инциденти. Исто така доста интересен е податокот од HOPE студијата е дека инциденцијата на дијабет кај пациенти кои примале рамиприл е намалена за 34% во однос на групата која примала плацебо.
Уште еден податок кој барем за мене беше нешто поразличен од тоа што претходно су го слушал на разните предавања е дека кај пациентите со дијабетес и протеинурија или микроалбуминурија, немаат корист од додавање на АТ рецептор блокатори туку напротив кај нив се зголемува процентот на терминална бубрежна болест. Исто немаат подобар резултат доколку се додаде и калциум антагонист, што значи дека монотерапијата со рамиприл е најдобрата варијанта кај болните кои имаат протеинурија/албуминурија.
Како друга индикација која произлегува од овааа студија е и веќе добро докажаното кардиопротективното дејство кај пациенти по прележан инфаркт.

Се на се имавме солидно предавање, од кое научивме по некој нов став во светот.

Која е дијагнозата? "6"

ЕКГ од пациенткана 67 годишна возраст која е примена на одделот за електрофизиологија на Клиниката за Кардиологија поради, несвестица, замор ,малаксаност веќе 2-3 месеци. ЕКГ_то на сликите е направено при прием.

Сега и ЕКГ_то од пациентот:

Слика 1



За помош имате наведено неколку можни одговори.
Само кликнете на можниот одговор а ги има два, и наведете коментар докoлку имате.



За да го видете одговорот на прашањето клик овде.

Која е дијагнозата? "5"

ЕКГ од пациенткана 31 годишна возраст која се јавила во ургентниот центар на Клиниката за Кардиологија поради, брзо чукање и прескакање на срцето, препратено со замор, страв.
Симптомите траеле 30-45 минути по што престануваат. Никогаш порано немалa такви симптоми ниту пак пиела било какви лекови. Оваа е прва атака во животот . ЕКГ_то на сликите е направено при самиот преглед.

Сега и ЕКГ_то од пациентот:

Слика 1



За помош имате наведено неколку можни одговори.
Само кликнете на можниот одговор, и наведете коментар докoлку имате.



За да го видете одговорот на прашањето клик овде.

Нема смисла!

Значи стварно нема смисла!
Живеам како потстанар во Скопје затоа што сум нели специјализант, ем доктор :-). Пред некое време ми се расипа казанчето во WC_то, па ми потреба водоводџија. Како цент граѓанин односно доктор, имам шкафче во подрумот од Државна болница, кај глувците, влагата и мувлата, и секако имам контакт со најбитните за ова работа, со техничката служба т.е. мајсторите, водоводџиите. И да ви кажам сум еден од посреќните затоашто не сите специјализанти имаат таков луксуз-шкавче. Но тоа нема врска со приказнава.
Нормално веднаш најдов мајстор и се договоривме да дојде кога ке бил втора смена, за да не губи „време", имал многу работа приватно - замислете. Дојде, секако во втора смена, со алатите од државна и средивме работа. 500 денари, како за мене, колку без ич.
Е сега што ми е поентата.
Докторите кои учат цел живот, кои се стекнуваат со секакви дипломи и сртификати, не смеат да работат приватно, т.е. во друга ординација доколку не исполнат еден куп барања, и документи, и тоа само надвор од работното време. Мора да се издава фискална сметка и не смее специјалист по правило да работи кај матичен доктор. Тоа е контролирано што да ви кажам како кривично дело.За да биде поинтересно јас и многу други, специјализанти кои сме вработени во приватни ординации не смееме да работиме со матични пациенти. Одев на обука за ултрасонографија на стомачни органи и нормално планирав да почнам со работа во мојата матична ординација. Но, што туку да почнам-стоп, не смееш да работиш, поточно смееш но е смееш да наплаќаш. Бев во фондот и се распрашував и ми поставија безброј услови и правила и на крај никој не ми гарантира ако ми дојде инспекција. Им реков „е како работат многу доктори како никој не им прави проблем„ и погодете што ми рекоа-„дечко, можеш да поминеш на црвено светло и ако никој не те фати си поминал, ама ако те фатат, или ке ти се смилуваат или ќе те казнат. Значи кој има смелост, врски, и соодветна книшка нема проблем.
Пациентите ми велат, „их бре докторе кој е како тебе: учен, углед, супер. Ај напиши два-три Сумамеда да си имам дома за зимово„. Нормално не му пишам, он ми вика ама како така, на телевизија велат се што пациентот ке посака, пациетот е секогаш во право, може и да те сменам ако не ми пишеш. Учење, знаење, углед, нема врска.
И така мајсторите, берберите, учителите можат се да работат, по дома „приватно„ никој ништо не им вика. А нас етика, почитувај ги правилата, не смееш ова, не смееш она, правила, акти, што всушност повеќето немаат смисла.
Всушност цел овој текст нема смисла кога еден доктор испадна дека е повеќе под контрола и притисок од еден мајстор.
Така и ќе биде цело време се додека никој за ништо не се буни, не се противи само мрмориме меѓу себе со наведнати глави.

Се надевам дека оваа ке предизвика барем малку внимание и интерес.

Пишете свои коментари, мислења, идеи.
Еве една идеа од мене: Што велите да се организираме како специјализанти во една асоцијација која со повеќе напор и труд да се избориме да влезе во статутот на медицинскиот факултет. Да се избориме за нашите права а богами и пари кои ги плаќаме на факултетот.

Која е дијагнозата? "4"

Еве уште едно ЕКГ од пациент на Клиниката за Кардиологија кој се јави во амбулантата поради, брзо чукање и прескакање на срцето, препратено со замор, страв.
Симптомите траеле 30 минути по што престануваат. Оваа е втора таква атака во животот а првата се јавила пред две години. ЕКГ_то на сликите е направено 1 ден по таквата атака, тахикардијата е намалена но постои специфично пореметување кое е најверојатната причина за појава на такви нагли тахикардии.

Сега и ЕКГ_то од пациентот:

Слика 1


Слика 2

(Се извинувам за квалитетот на сликата, но сликав со тоа што ми беше при рака)

За помош имате наведено неколку можни одговори.
Само кликнете на можниот одговор, и наведете коментар докoлку имате.




За да го видете одговорот на прашањето клик овде